पण नकळच सारे घडले...

पहिल्यांदा तुला पाहील,
डोळे अचानक स्वप्नानी भरले,
आयुष्यातले सर्व क्षण,
डोळ्यांदेखत सरले,
प्रेम करण्याचा इरादा तर नव्हता,
पण नकळच सारे घडले...

तुझ्या आठवणीच्या गराड्यात,
सतत मन रुळले,
भविष्यातल्या स्वप्नाशी,
एक वेगळेच गणित जूळले,
स्वप्न रंगविण्याचा इरादा तर नव्हता,
पण नकळच सारे घडले...

तू जेव्हा दूर गेलीस,
तेव्हा काही विचित्रच घडले,
माझ्या दुखात सामील होऊन,
वरुन आभाळही रडले,
अश्रू ढ|ळण्याचा इरादा तर नव्हता,
पण नकळच सारे घडले...
पण नकळच सारे घडले...

प्रेम एकदा करून तर बघतो..

प्रेम एकदा करून तर बघतो...

असच एकदा, जगून तर बघतो...

मन वेड्या सारख धावत,

अन् मी मनामागे धावतो,

आजकालचा प्रत्येक दिवस,

तिच्या आठवणीतच पावतो,

माझ मलाच कळत नाही मी असा का वागतो ||धृ||

सर्व चेहरयांमध्ये माझे डोळे,

तीचाच चेहरा शोधत असतात,

एकटा जेव्हा असतो मी,

शून्यातच हे बघत असतात,

आजूबाजूच्या घोळकयातही मी एकटाच उभा ठ|कतो ||धृ||

प्रेम म्हणजे थोड घेण, प्रेम म्हणजे थोड देण,

प्रेम म्हणजे देता देता सर्वस्वी दुसर्‍याच होऊन जाण,

देण्याची आणि घेण्याची बेरीज प्रेमा मध्ये शून्य आहे,

म्हणूनच गणिताची ही अट मला पूर्णपणे मान्य आहे,

प्रेमाच हे कोडे, मीही एकदा सोडवून बघतो ||धृ||